இப்படத்தின் மூலம் தயாரிப்பாளராக உருவெடுக்கிறார் வனிதா விஜயகுமார், அது மட்டுமில்லாமல் இப்படத்தின் கதை திரைக்கதை வசனத்தையும் அவரே எழுதியிருக்கிறார். ராபர்ட், ராம்ஜி, ஐஸ்வர்யா, நிரோஷா மற்றும் பலர் இப்படத்தில் நடித்திருக்கிறார்கள்.
கதையை பற்றி பார்ப்பதற்கு முன்பு எப்படி இந்த படம் உருவாயிருக்கலாம் என்று பார்போம், ஒரு படம் பண்ணியாகவேண்டும் என்று யோசித்து பின் காமெடிதானே மினிமம் கேரண்ட்டி.
அதனால் அதையே எடுப்போம்ன்னு முடிவு செய்து, அதன் பிறகு த்ரில்லா கதை போகனும்னு ஹாலிவுட்டில் ஹிட் ஆன ஹேங்கோவர், ஸ்பீட் பட ஸ்டைலில் உருவாக்கியுள்ளனர் இந்த எம்.ஜி.ஆர், சிவாஜி, ரஜினி, கமல் படத்தை.
கதை
“மது வீட்டுக்கும் நாட்டுக்கும் கேடு” என்று போட்டவுடனே, மது அருந்தும் காட்சியுடன் படம் ஆரம்பிக்கிறது. நாலு குறும்பான நண்பர்கள் அதில் ஒருவர் ஹீரோ, பணமில்லா காரணத்தில் நண்பர்களில் ஒருவரான ’கும்கி’யின் தாயார் உயிரிழக்க நேர்கிறது, அன்றிரவே நால்வரும் பணம் கொள்ளையடிக்க முடிவெடுக்கிறார்கள்.
உடனே எம்,ஜி,ஆர் சிவாஜி, ரஜினி, கமலின் முகமூடிகளை ஆளுக்கொருவர் அனிந்து எதோ ஆம்லெட் போடுவதுபோல ஒரு குறிப்பிட்ட வங்கியின் ATMல் கொள்ளை அடிக்கிறார்கள்.
கொள்ளையடித்த பணத்தையும், ATMல் பணம் நிரப்ப வந்த அதிகாரியான நிரோஷாவயும் கடத்தி கொண்டுபோகிறார்கள். அதன்பின் ”சப் வே சர்ஃபர்ஸ்” (Subway Surfers) கேமில் காயின்களை எடுப்பதுபோல போகும் வழியில் இருக்கும் அனைத்து ATMகளிலும் உள்ள பணத்தை கொள்ளை அடிக்கிறார்கள்.
இவர்களை பிடிக்க சிரிப்பு போலிஸாக ஐஸ்வர்யா வருகிறார், பின் ஐஸ்வர்யா இவர்களை கைது செய்தார்களா? பணம் என்ன ஆனது என்பதை நகைச்சுவையாக சொல்ல முயற்சித்திருக்கிறார்கள்.
நடிகர்கள், நடிகைகள் & டெக்னீஷன் பங்களிப்பு:
பெரிய இடைவேளைக்கு பிறகு நடித்தாலும் ராம்ஜி அவர் வேலையை அவர் நன்றாக செய்திருக்கிறார். முதல் பாடலான ”சங்கி மங்கி” குத்தாட்டம் போடவைக்கிறது, இரண்டாம் பாடல் ரசிக்கும் விதம். பின்னணி இசையில் கவனம் செலுத்தியிருக்கலாம்.
க்ளாப்ஸ்:
ராம்ஜியின் வித்தியாசமான நடிப்பு. சங்கி மங்கி பாடல் படமாக்கப்பட்ட விதம். படத்தின் இரண்டாம் பாதி ரசிக்க வைக்கின்றது.
பல்ப்ஸ்
ஒரு சில இடங்களில் முகம் சுழிக்க வைக்கும் வசனங்கள்,
மொத்தத்தில் எம்.ஜி.ஆர், சிவாஜி, ரஜினி, கமல் முதல் பாதியில் தடுமாறி, இரண்டாம் பாதியில் ரசிக்க வைக்கிறது.
No comments:
Post a Comment